सम्पत्ति छानबिनको माग गर्दै सांसद अमरेशकुमार सिंहविरुद्ध अख्तियारमा उजुरी
काठमाडौं— प्रतिनिधिसभा सदस्य अमरेशकुमार सिंहविरुद्ध अख्तियार दुरुपयोग अनुसन्धान आयोगमा उजुरी परेको छ ।
अकुत सम्पत्ति आर्जन गरेको भन्दै सिंहविरुद्ध सोमबार आयोगमा भ्रष्टाचारको उजुरी परेको हो । उनीविरुद्ध विकास ठाकुरले सोमबार भ्रष्टाचारको उजुरी दर्ता गरेका हुन् ।
कुनै पेसा व्यवसायमा संलग्न नरहेका सिंहले गत ४ मंसिरमा सम्पन्न निर्वाचनमा गरेको खर्च र विलासी जीवनशैली सहितलाई आधार मानेर ठाकुरले आयोगमा उजुरी दिएका हुन् ।
२०६३ सालबाट राजनीतिमा उदाएका सिंहको आर्थिक फड्को नै भ्रष्टाचारको कारण रहेको निवेदनमा ठाकुरले दाबी गरेका छन् ।
प्रकाशित मिति: सोमबार, वैशाख २५, २०८० १६:२२
थप समाचार
