काठमाडौं— ट्राफिक प्रहरी कार्यालय रोल्पाका तत्कालीन प्रमुखविरुद्ध विशेष अदालतमा मुद्दा दायर भएको छ ।

बिहीबार अख्तियार दुरुपयोग अनुसन्धान आयोगले घुससहित मंसिर दोस्रो साता पक्राउ परेका प्रहरी नायब निरीक्षक ललित कुमार बुढाथोकीविरुद्ध मुद्दा दायर गरेको हो। 

अख्तियारको बुटवल सम्पर्क कार्यालय नेपालगन्जबाट खटिएको  टोलीले बुढाथोकीलाई सेवाग्राहीबाट २५ हजार रुपैयाँ घुस लिइसकेको अवस्थामा नियन्त्रणमा लिएको थियो।

अनुसन्धानका क्रममा उनले घुस लिएको पुष्टि भएकाले  कैद र बिगो बमोजिमको जरिवाना सजाय माग दाबी लिएर मुद्दा दायर गरेको प्रवक्ता नरहरि घिमिरेले जानकारी दिए ।