काठमाडौं— बाजुरामा आज बिहान गएको भूकम्पबाट १५ घर पूर्णरूपमा क्षति भएको छ। बाजुराका प्रमुख जिल्ला अधिकारी मेघनाथ पाध्यले अन्य १५० घरमा आंशिक क्षति भएको (चर्किएको) जानकारी दिए। ​उनकाअनुसार क्षतिको विवरण बढ्न सक्ने छ। 

जिल्लाको जगन्नाथ गाउँपालिकाको गोत्री केन्द्रविन्दु बनाएर आज बिहान ५ दशमलव २ रेक्टरको भूकम्प आएको थियो।
भूकम्पबाट मानवीय क्षति भने नभएको उनले बताए। उनले उक्त गाउँपालिकाको वडा नम्बर २, ३, ४ र ५ मा क्षतिभएको बताए।

अहिले सुरक्षाकर्मी परिचालन भएको र घर क्षति भएकाहरूलाई सुरक्षित स्थानमा लैजाने तथा त्रिपाल टेन्टको व्यवस्थापन लगायतका कार्य जारी रहेको पनि प्रजिअ पाध्यले  बताए।