पोखराबाट घान्द्रुक जाँदै गरेको जीप दुर्घटना
काठमाडौं— कास्कीको अन्नपूर्ण गाउँपालिका १० बतासेडाँडामा जीप दुर्घटना हुँदा पाँच जना घाइते भएका छन् ।
ग १ ज ६८२१ नम्बरको जीप आज अपराह्न पौने ३ बजे दुर्घटना भएको हो ।
पोखराबाट घान्द्रुक जाँदै गरेको जीप सडकबाट करिब ६०० मिटर तल खसेको छ । जीपमा सवार ७ जनामध्ये ५ जना घाइते भएको जिल्ला प्रहरी कार्यालय कास्कीका प्रवक्ता बसन्त कुमार शर्माले जानकारी दिए ।
घाइतेहरुलाई उपचारका लागि पोखरा ल्याइएको छ ।
प्रकाशित मिति: बिहीबार, पुस ४, २०८१ १५:५८
ट्रेन्डिङ समाचार
