काठमाडौं — नेकपा एकीकृत समाजवादीले तत्काल कुनैपनि पार्टीसँग एकताको सम्भावना नरहेको निष्कर्ष निकालेको छ ।

उपाध्यक्ष एवं प्रवक्ता जगन्नाथ खतिवडाका अनुसार स्थायी कमिटी बैठकले अहिले कुनै पार्टीसँग एकताको सम्भावना नरहेको निष्कर्ष निकालेको हो ।

‘सबैसँग सहकार्य गर्न तयार छौँ, तर कुनै पार्टीसँग एकता गर्ने सम्भावना नरहेको जानकारी गराउँछौ’, खतिवडाले भने ।

भोलि सकिने स्थायी कमिटीले तत्काल कुनै पार्टीसँग एकता सम्भावना नरहेको निर्णय गर्ने उनले बताए । माओवादी केन्द्र सहितको समाजवादी मोर्चामा एकीकृत समाजवादी रहेकाले बेलाबेला पार्टी एकताको चर्चा हुने गरेको छ ।

तर त्यस्तो चर्चाको खण्डन हुनेगरि एकीकृत समाजवादीले तत्काल कुनैपनि कम्युनिष्ट पार्टीसँग एकताको सम्भावना नरहेको निष्कर्ष निकालेको छ ।