काठमाडौं  — तारकेश्वर काभ्रेस्थलीबाट रत्नपार्क जान लागिरहेको बस दुर्घटनामा परी दुई जनाको मृत्यु भएको छ।

बा४ ख ७१११ को  गाडीको ढोकामा झुन्डिएर बसेका यात्रु बाटोमा रोकिरहेको बा३क १६६६ गाडीसँग ठोकिँदा बिहान करिब ७ बजे तारकेश्वर–८ लामबगरमा  दुईजनाको घटनास्थलमै मृत्यु भएको प्रहरीले जनाएको छ।

घाइते एकजनालाई उपचारका लागि हस्पिटल लगिएको छ। अहिले स्थिति नियन्त्रणमा रहेको प्रहरीले जनाएको छ। घटनाबारे थप अनुसन्धान भइरहेको र मृतकहरूको पहिचान खुल्न बाँकी रहेको बताइएको छ।