काठमाडौं— डडेल्धुरामा जीप दुर्घटना हुँदा दुई जनाको मृत्यु भएको छ भने अर्को एक जना गम्भीर घाइते रहेका छन्।

मंगलबार कञ्चनपुरको दैजीबाट डडेल्धुराको सलेता जाँदै गरेको जीप दुर्घटना हुँदा दुई जनाको मृत्यु भएको जिल्ला प्रहरी कार्यालय डडेल्धुराका प्रहरी नायब उपरीक्षक डम्बर बिष्टले जानकारी दिए। मृतकको सनाखत हुन बाँकी छ।

उनका अनुसार दैजीबाट यात्रु बोकेर जाँदै गरेको जीप दिउँसो दुर्घटनामा परेको हो।

घटनाबारे थप अनुसन्धान भइरहेको  प्रहरीले जनाएको छ।