काठमाडौं— भारतीय स्थल सेनाध्यक्ष जनरल उपेन्द्र द्विवेदी नेपालको ५ दिने भ्रमणमा आउने भएका छन्। नेपाली सेनाका अनुसार उनले मंसिर ५ देखि ९ सम्म नेपाल भ्रमण गर्न लागेका हुन्।

भारतीय स्थल सेनाध्यक्ष जनरल नेपाली सेनाको मानार्थ महारथी दर्जाको सम्मान लिन आउन लागेका हुन्।

उनलाई नेपाली सेना र भारतीय सेना बीचको परम्पराअनुसार राष्ट्रपति रामचन्द्र पौडेलले मंसिर ६ मा एक विशेष समारोहबीच नेपाली सेनाको मानार्थ महारथी दर्जा प्रदान गर्न लागेका हुन्।

उक्त अवसरमा स्थल सेनाध्यक्षमा नेपालका प्रधानमन्त्री केपी शर्मा ओली र रक्षामन्त्री लगायतसँग द्विपक्षीय औपचारिक भेटवार्ता गर्ने कार्यक्रम छ।