काठमाडौं — काठमाडौंको गोकर्णेश्वरमा जुवातास खेलिरहेका ११ जनालाई प्रहरीले पक्राउ गरेको छ।

शनिबार बिहान गोकर्णेश्वर नगरपालिका-७ दक्षिणढोका बस्ने सिन्धुपाल्चोक पाँचपोखरी थाङपाल गाउँपालिका-१ घर भएका ३६ वर्षीय दिपक लामिछानेको घरमा जुवातास खेलिरहेका उनीहरूलाई प्रहरीले पक्राउ गरेको हो।

प्रहरी वृत्त बौद्धबाट खटिएको प्रहरी टोलीले उनीहरूलाई नगद ३ लाख २३ हजार रूपैयाँ, कौडा १६ थान र ३ बुक ताससहित पक्राउ गरेको प्रहरी प्रधान कार्यालयले जनाएको छ।