पाँचथर— मेची राजमार्गको फिदिम ताप्लेजुङ सडक खण्डअन्तर्गत पाँचथरको भारपामा ट्रक दुर्घटना हुँदा एकजनाको मृत्यु भएको छ।

हिलिहाङ-६ ढकालगाउँ नजिक ना ४ ख ७१२३ नम्बरको ट्रक दुर्घटनामा पर्दा हिलिहाङ-३ साम्रेका ५७ वर्षीय भवानीशंकर पौडेलको घटनास्थलमै मृत्यु भएको हो।

दुर्घटनामा परी ट्रकमा सवार इलाम सुर्योदय नगरपालिका-१२ निवासी ५२ वर्षीय तेजबहादुर दास र झापा चारपानेका ४० वर्षीय राजकुमार बस्नेत घाइते छन्।

उनीहरुको शरीरका विभिन्न अंगमा चोट लागेको छ। अवस्था जटिल रहेकोले उनीहरुलाई पाँचथर अस्पतालबाट झापास्थित बीएन्डसी अस्पतालका लागि रेफर गरिएको जिल्ला प्रहरी कार्यालय पाँचथरले जनाएको छ।

ट्रक हिलिहाङ-१ सिंहापुरदेखि झापाका लागि गोलिया बोकेर जाँदै गरेको जिल्ला प्रहरी कार्यालय पाँचथरका सूचना अधिकारी बेनिलाल साहले बताए।