देउसीभैलो खेल्नेक्रममा विवाद हुँदा खुकुरी प्रहार, ३ जना पक्राउ
परासी— पश्चिम नवलपरासीको सुनवलमा देउसीभैलो खेल्नेक्रममा विवाद हुँदा खुकुरी प्रहार गर्ने तीन जना युवालाई प्रहरीले पक्राउ गरेको छ।
पक्राउ पर्नेमा सुनवल–३ किर्तिपुर बस्ने २३ वर्षीय अभिषेक गुरुङ, २६ वर्षीय बिसन गुरुङ र २८ वर्षीय अमित गुरुङ छन्।
सुनवल नगरपालिका–१२ भुमहीमा देउसीभैलो खेलिरहेको स्थानमा विवाद हुँदा खुकुरी प्रहार गरी केही व्यक्ति घाइते बनाएर फरार भएका उनीहरूलाई प्रहरीले पक्राउ गरेको हो।
घटना गराएर बुटवलतर्फ भागेको सूचनाको आधारमा इलाका प्रहरी कार्यालय बुटवलसँग समन्वय गरेर रूपन्देहीबाट पक्राउ उनीहरूलाई गरिएको प्रहरीले जनाएको छ।
पक्राउ परेकाहरूमाथि ज्यान मार्ने उद्योगमा म्याद थप गरेर अनुसन्धान भइरहेको प्रहरीले जनाएको छ।
प्रकाशित मिति: बुधबार, कात्तिक २१, २०८१ २०:२३
थप समाचार
ट्रेन्डिङ समाचार
