काठमाडौं— इजरायलका लागि नेपालको आवासीय राजदूतमा प्राध्यापक धनप्रसाद पण्डित नियुक्त भएका छन्।

राष्ट्रपति रामचन्द्र पौडेलले बुधबार पण्डितलाई राजदूत  नियुक्त गरेको राष्ट्रपति कार्यालयले जनाएको छ। 

राष्ट्रपतिले संविधानको धारा २८२ को उपधारा १ बमोजिम पण्डितलाई राजदूत पदमा नियुक्त गरेको शीतलनिवासले जारी गरेको विज्ञप्तिमा उल्लेख छ।

पण्डितलाई सरकारले राजदूतमा गरेको सिफारिस संसदको सुनुवाइ समितिले अनुमोदन गरेपछि राष्ट्रपतिले उनलाई राजदूत नियुक्त गरेका हुन्।