काभ्रे— काभ्रेको रोशी गाउँपालिका-३ भन्ज्याङ गाउँमा एक महिला मृत फेला परेकी छन्। मृत फेला पर्ने सोही ठाउँकै ६६ वर्षीय माइली लामा छिन्।

शुक्रबार साँझ करिब ४ बजे लामा आफ्नै घरमा टाउकोमा चोट लागेको अवस्था मृत फेला परेको जिल्ला प्रहरी कार्यालय काभ्रेको प्रमुख एसपी बसुन्धरा खड्काले जानकारी दिइन्। घटनाको अनुसन्धानका लागि टोली अहिले घटनास्थलमा पुगिसकेको उनको भनाइ छ।

घटनाको प्रारम्भिक अनुसन्धानमा महिलाको हत्या भएको हुन सक्ने आशंका गरिएको र थप अनुसन्धान भइरहेको प्रहरीले जनाएको छ।