काठमाडौं— झापाको बिर्तामोडमा मोटरसाइकल दुर्घटना हुँदा एकजनाको मृत्यु भएको छ।

बिर्तामोड–शनिश्चरे रोडमा पर्ने डाँस पुलनजिक शुक्रबार साँझ बा ४९ प २१५९ नम्बरको मोटरसाइकल अनियन्त्रित भई दुर्घटना हुँदा ताप्लेजुङ श्रीजङ्घा गाउँपालिका–६ का २६ वर्षीय  सन्तोष लिम्बूको मृत्यु भएको हो।

दुर्घटनामा परी गम्भीर घाइते भएका लिम्बुलाई उपचारका लागि बीएण्डसी अस्पताल लगिएको थियो। अस्पताल पुर्‍याउनासाथ उनको मृत्यु भएको जिल्ला प्रहरी कार्यालय झापाले जानकारी दिएको छ। 

प्रहरीका अनुसार मोटरसाइकल पछाडि सवार श्रीप्रसाद लिम्बू गम्भीर घाइते भएका छन्। बीएण्डसी अस्पतालमै उनको उपचार भइरहेको छ।