झापा— मोटरसाइकल दुर्घटना हुँदा झापामा एक जनाको मृत्यु भएको छ।

शुक्रबार मोटरसाइकल दुर्घटना हुँदा एक जनाको मृत्यु भएको प्रहरीले जानकारी दिएको छ।

झापाको अर्जुनधारास्थित शनिश्चरे बजारबाट बिर्तामोड तर्फ आउँदै गरेको बा ४९ प २१५९ नम्बरको मोटरसाइकल अनियन्त्रित भई सडकको बाँयातर्फको रुखमा ठोक्किँदा दुर्घटना भएको प्रहरीको भनाइ छ।

दुर्घटनामा ताप्लेजुङ श्रीजंघा गाउँपालिका वडा नम्बर ६ बस्ने २६ वर्षीय सन्तोष लिम्बुको मृत्यु भएको जिल्ला प्रहरी कार्यालय झापाले जनाएको छ।