रौतहटबाट हतियारसहित २ जना पक्राउ

न्यूजगृह शनिबार, कात्तिक १०, २०८१

रौतहट— सशस्त्र प्रहरीले रौतहटको गुजरा नगरपालिकाबाट हतियारसहित दुई जनालाई पक्राउ गरेको छ।

गुजरा नगरपालिका–३ धनसार सिमरी गेट नजिकैबाट सशस्त्र प्रहरीले हतियारसहित कटहरीया–३ का कमोदा राम चमार र नेमलाल साह बनियालाई पक्राउ गरेको हो।

ज४प ९०५८ नम्बरको मोटरसाइकलमा सवार दुवैजनालाई चेकजाँच गर्दा कटुवा पेस्तोल १ थान र सो मा प्रयोग हुने ३ राउन्ड गोली बरामद भएको सशस्त्र प्रहरी बल नेपाल नं ११ गणका उपरीक्षक बिक्रम हुमागाईंले बताए।

उनीहरूलाई नियन्त्रणमा लिएर आवश्यक कारबाहीका लागि जिल्ला प्रहरी कार्यालय गौर रौतहटमा बुझाइएको उपरीक्षक हुमागाईंले बताए।

प्रकाशित मिति: शनिबार, कात्तिक १०, २०८१ १३:२१

समसामयिक