काठमाडौं— नेपाल विद्युत् प्राधिकरणले डेडिकेटेड र ट्रंक लाइनको महसुल नबुझाउने उद्योगको लाइन काटेको छ। प्राधिकरणले गएको असोज अन्तिममा ४९ वटा उद्योगको सूची सार्वजनिक गर्दै कात्तिक ८ गते भित्र डेडिकेटेड तथा ट्रंक लाइनवापतको बक्यौता बुझाउने म्याद दिएको थियो।

उद्योगीले बक्यौता नबुझाएपछि लाइन काटिएको हो। रिलायन्स स्पिनिङ मिल्सका अध्यक्ष पवनकुमार गोल्यानका अनुसार घोराही सिमेन्ट, सोनापुर सिमेन्ट, श्याम प्लास्टिक, कसमस सिमेन्टलगायतका उद्योगमा लाइन काटिएको छ।

प्राधिकरणले बाबा जुट मिल, रघुपति जुट मिल, उदयपुर सिमेन्ट, रिलायन्स स्पिनिङ मिल्स, निगाले सिमेन्ट, अरिहन्त मल्टिफाइबर, मारुती सिमेन्टलाई २०७२ माघदेखि २०७५ वैशाखसम्मको महसुलवापतको बक्यौता बुझाउन भनेको थियो।

प्राधिकरणका अनुसार बक्यौता बुझाउन बाँकी रहेका उद्योग यी हुन्- 

उल्लिखित अवधिको आंशिक प्रिमियम रकम बुझाइसकेकाको हकमा उक्त रकम समायोजन हुने पनि प्राधिकरणले उल्लेख गरेको थियो। तर ताकेतापछि पनि बक्यौता नबुझाएपछि फेरि लाइन काट्नु परेको प्राधिकरणले उल्लेख गरेको छ।

यी उद्योगहरूको ६ अर्ब रुपैयाँभन्दा बढी बक्यौता रहेको प्राधिकरणले जनाएको छ।