गाईसँग ठोक्किँदा मोटरसाइकलमा सवार एकको मृत्यु
सुर्खेत— सुर्खेतमा मोटरसाइकल दुर्घटनामा परी एक जनाको मृत्यु भएको छ ।
मृत्यु हुनेमा वीरेन्द्रनगर नगरपालिका–८ का ५० वर्षका महेश पौडेल रहेको जिल्ला ट्राफिक प्रहरी कार्यालय सुर्खेतले जनाएको छ।
सोमबार साँझ दैलेखचोक बाट आउँदै गर्दा कालिनचोकमा भे ५ प ४०४२ नम्बरको मोटरसाइकल दुर्घटनामा परेको थियो ।
दुर्घटनामा परी गम्भीर घाइते भएका पौडेललाई उपचारका लागि प्रदेश अस्पताल पुर्याइएको थियो ।
अस्पतालमा उपचारका क्रममा राति ८ बजे उनको मृत्यु भएको जिल्ला ट्राफिक कार्यालय सुर्खेतका प्रमुख प्रहरी निरीक्षक वकिल सुनारले जानकारी दिए।
प्रकाशित मिति: मंगलबार, असोज २९, २०८१ ०४:४५
ट्रेन्डिङ समाचार
-1714286791.jpg)
