काठमाडौं— नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीले एमालेसँग सत्ता सहकार्यको कुनै पनि सम्भावना नरहेको बताउँदै बजेट अगावै कोशी प्रदेशको नेतृत्व परिवर्तन हुने बताएका छन् ।
सडक शिलान्यासका लागि इनरुवा पुगेका कार्कीले कांग्रेस र एमाले मिल्ने आंकलनसहितका टिकाटिप्पणी सुनिने गरेको भए पनि त्यसमा सत्यता नरहेको बताए । उनले नेकपा एमाले अबको ५ वर्ष प्रमुख प्रतिपक्षमा रहने बताए ।
उनले प्रदेश र केन्द्रमा गठबन्धनकै सरकार निर्माण हुने बताए उनले केन्द्रमा नेतृत्व परिवर्तन भएझैँ प्रदेशमा पनि नेतृत्व परिवर्तन हुने बताए ।
उनलै भने,‘एमाले प्रमुख प्रतिपक्षमा ५ वर्ष रहने छ । एमाले र नेपाली कांग्रेस मिलेर सरकार बन्दैन भन्ने कुरा यहीँबाट उद्घोष गर्न चाहन्छु । जसरी केन्द्रमा नेतृत्व परिवर्तन भयो त्यस्तै गरेर प्रदेश सरकारको नेतृत्व परिवर्तन हुनेछ ।’
नेता कार्कीले नयाँ आर्थिक वर्षको बजेट अगावै कोशी प्रदेशमासमेत सरकारको नेतृत्व परिवर्तन हुने बताए ।
