न्युयोर्क (अमेरिका)— प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबीच भेटवार्ता भएको छ ।

संयुक्त राष्ट्रसङ्घको ७९औँ महासभामा सहभागी हुन संयुक्त राज्य अमेरिकाको न्युयोर्कमा रहेका प्रधानमन्त्री ओली र राष्ट्रसङ्घका महासचिव गुटेरेसबीच स्थानीय समयअनुसार शनिबार साँझ राष्ट्रसङ्घ भवनमा भेटवार्ता भएको हो । 

भेटवार्तमा के कुराकानी भयो भन्ने खुलाइएको छैन । शनिबार न्यूयोर्क पुगेका प्रधानमन्त्री ओलीले १० गते महासभालाई सम्बोधन गर्नेछन् । 
त्यसअघि विभिन्न साइडलान कार्यक्रमहरूमा सहभागी हुनेछन् । 

आइतबार नेपाली सङ्घसंस्थाले आयोजना गर्ने समारोहलाई सम्बोधन गर्नेछन् । यसैगरी महासभामा सहभागी मित्रराष्ट्रका प्रतिनिधि तथा विकास साझेदारसँग ‘साइडलाइन’ वार्ता पनि गर्नेछन् ।

भ्रमणकै क्रममा हार्वड विश्वविद्याललयमा नेपालको प्रजातन्त्र र आर्थिक समृद्धिको यात्रा र नेपालको परिप्रेक्ष्यः सङ्क्रमणकालीन न्यायबाट जलवायु न्यायका विषयमा प्रधानमन्त्री ओलीले सम्बोधन गर्ने कार्यक्रम छ।