दोलखामा जीप दुर्घटना, दुई जनाको मृत्यु
दोलखा — गौरीशंकर गाउँपालिका–४ झ्याकुमा जीप दुर्घटना हुँदा २ जनाको मृत्यु भएको छ। प्रहरीका अनुसार दुर्घटनामा चार ४ जना घाइते छन्।
बा २० च ७२६६ नम्बरको जीप आइतबार साँझ दुर्घटना हुँदा गौरीशंकर–३ कि ७५ वर्षीया काली शेर्पा र अन्दाजी ५५ वर्षीय पसी शेर्पाको मृत्यु भएको इलाका प्रहरी कार्यालयका प्रहरी निरीक्षक महेन्द्र दर्नालले जानकारी दिए।
दुर्घटनामा चालक मिङमार शेर्पा, अन्तु शेर्पा र अन्तु शेर्पाकै बुहारी घाइते भएको प्रहरीले जनाएको छ। घाइतेलाई उद्वार गरेर सिङ्गटी प्राथमिक अस्पतालमा ल्याइएको छ। जीप अनियन्त्रित भएर वडा कार्यालय नजिकै दुर्घटना भएको थियो।
प्रकाशित मिति: आइतबार, भदौ ३०, २०८१ २१:०७
थप समाचार
