ट्याक्सी चालकहरूले किन गरे प्रदर्शन?
काठमाडौं— ट्याक्सी चालकहरू प्रदर्शनमा उत्रिएका छन्। भक्तपुरबाट ट्याक्सीसहित उनीहरू काठमाडौंतर्फ अघि बढ्दा ट्राफिक जाम भएको थियो।
शुक्रबार बिहान मध्यपुर थिमि नगरपालिका वडा नम्बर ६ कमलोटारबाट ट्याक्सी चालकहरूले प्रदर्शन सुरु गरेका थिए। त्यहाँ मेडिकल व्यवसायी दुर्गा प्रसाईको घर छ।
प्रसाईको अगुवाइमा ट्याक्सी चालकहरूले प्रदर्शन गरेका हुन्। जिल्ला प्रहरी परिसर भक्तपुरका अनुसार राइड सेयरिङ एपको भाडा दर र ट्याक्सीमा हुने भाडा दर फरक हुनुपर्ने, रातो प्लेटका सवारी साधनले यात्रु बोक्न नहुनेलगायत माग राख्दै चालकहरूले प्रदर्शन गरेका हुन्।
करिब दुई सय वटा ट्याक्सीसहित चालकहरूले सडकमा र्याली गर्दा जाम भएको थियो।
प्रकाशित मिति: शुक्रबार, भदौ २८, २०८१ १४:३३
थप समाचार
