काठमाडौं— भारतको मुम्बईबाट जर्मनीको फ्रयाङ्कफर्ट जाँदै गरेको एअर भिस्टारा यात्रु विमानले बमको धम्कीपछि शुक्रबार पूर्वी टर्कीमा आपतकालीन अवतरण गरेको छ।

२४७ यात्रु र चालक दलका सदस्य बोकेको विमान एर्जुरम विमानस्थलमा अवतरण गरेको थियो। धम्की दिनेको खोजी भइरहेको बताइएको छ। भारतको टाटा समूह र सिङ्गापुर एअरलाइन्सको संयुक्त उद्यम भिस्टाराले यस घटनाबारे कुनै टिप्पणी गरेको छैन।

टर्कीका अधिकारीहरूले अहिलेसम्म बमको खतरा वा चेतावनीबारे विस्तृत विवरण दिएका छैनन्।