रास्वपाको केन्द्रीय कार्यसमिति र संसदीय दलको बैठक भोलि
काठमाडौं— राष्ट्रिय स्वतन्त्र पार्टी (रास्वपा) को केन्द्रीय कार्यसमिति र संसदीय दलको बैठक सोमबार बस्ने भएको छ ।
पार्टी उपसभापति डोलप्रसाद अर्यालले संसदीय दलको नेताबाट शनिबार राजीनामा दिएपछि रिक्त स्थान पूर्तिका लागि संसदीय दलको बैठक तय गरिएको हो ।
साथै पछिल्लो राजनीतिक परिस्थितिबारे धारणा तय गर्न केन्द्रीय समितिको बैठक पनिसमेत आह्वान गरिएको सो पार्टीले जनाएको छ ।
सोमबार बिहान ११ बजे केन्द्रीय समितिको बैठक र दिउँसो ३ बजे संसदीय दलको बैठक बोलाइएको पार्टी उपसभापति अर्यालले बताए ।
प्रकाशित मिति: आइतबार, वैशाख १७, २०८० १०:३९
