कर्णाली प्रदेशका मुख्यमन्त्री सवार हेलिकप्टर आकस्मिक अवतरण
रुकुम पश्चिम— डोल्पाबाट सुर्खेत जाँदै गरेको कर्णाली प्रदेशका मुख्यमन्त्री यामलाल कँडेल सवार हेलिकप्टर रुकुम पश्चिमको आठबीसकोट नगरपालिकाको राडीमा आकस्मिक अवतरण गरेको छ।
डोल्पाको त्रिपुरा सुन्दरी दर्शन तथा एक मेलाको अवलोकन गरेर फर्किने क्रममा मौसम खराबीका कारण मुख्यमन्त्री कँडेल सवार हेलिकोप्टर सिम्रिक एअरको नाइन एन–एकेडी कल साइन भएको हेलिकोप्टर राडीस्थित एक खेल मैदानमा अवतरण गरेको जिल्ला प्रहरी कार्यालयका प्रमुख प्रहरी नायब उपरीक्षक नवराज भट्टराईले जानकारी दिए।
हेलिकोप्टरमा मुख्यमन्त्रीसहित उनकी श्रीमती, डोल्पाको त्रिपुरा सुन्दरी नगरपालिकाका प्रमुख, सुरक्षा गार्ड र चालकसहित पाँच जना रहेका बताइएको छ।
रुकुमसहित कर्णाली प्रदेशका आधिकांश जिल्लामा आज बिहानैदेखि वर्षा भइरहेको छ ।
प्रकाशित मिति: आइतबार, भदौ १६, २०८१ २१:१८
थप समाचार
