काठमाडौं—  मलेसियाको क्वालालम्पुरमा ढलमा खसेर बेपत्ता भएकी भारतीय महिलाको खोजी आठौँ दिन पनि असफल भएको छ।

क्वालालम्पुरमा फुटपाथमा बनाइएको ढलमा खसेर भारतीय महिला ४८ वर्षीया विजया लक्ष्मी बेपत्ता छिन्। 

अधिकारीहरूले खाडलमा गोताखोरहरूलाई खोजी गर्न पठाउँदा खतरा रहेको बताएका छन्। उनको खोजीमा करिब ११० जना उद्धारकर्मी दिनरात खटिरहेका छन्।

तर, खोजीको १७ घण्टा बितिसक्दा पनि उद्धारकर्मीले उनका चप्पलबाहेक केही फेला पार्न सकेका छैनन्।

शुक्रबार ढलमा पठाइएका दुई उद्धारकर्मीले पानी र फोहोरको बलियो धारको सामना गर्नुपरेको उद्धार विभागले जनाएको छ। जसका कारण खोजी असफल भएको हो।

उद्धार विभागका महानिर्देशक ढलभित्र फसेको फोहोर हटाउन लगभग असम्भव वा धेरै गाह्रो भएको बताउँछन्।