चीनतर्फ दुई र भारततर्फ एक अध्यागमन कार्यालय स्थापना गदै सरकार
काठमाडौं— गृह मन्त्रालयले नेपालबाट चीन तर्फको सिमानामा दुई वटा र भारततर्फ एउटा अध्यागमन कार्यालय खोल्ने भएको छ।
चीनतर्फ टिङ्कर र कोरलामा तथा भारततर्फ बेलहियामा अध्यागमन स्थापना गर्न लागिएको गृहमन्त्री रमेश लेखकले बताएका छन्।
मानसरोवर र कैलाश जाने यात्रुलाई लक्षित गरेर उत्तरतर्फ र दक्षिणतर्फ बेलहियामा वर्तमान मन्त्रिपरिषद् गठन भएको १ सय दिनमा कार्यालय स्थापना गर्ने मन्त्री लेखकले बताए।
उनले भने, ‘१ सय दिनभित्र टिङ्कर, कोरला र बेलहियामा कार्यालय स्थापना गर्ने भनेर स्थान पहिचान गरेका छौँ।’
प्रकाशित मिति: शुक्रबार, भदौ १४, २०८१ १५:०५
थप समाचार
