बाँकेमा बस दुर्घटना, सहचालकसहित दुई जनाको मृत्यु
बाँके— बाँकेमा भएको बस दुर्घटनामा दुई जनाको मृत्यु भएको छ।
दुर्घटनामा दाङ तुलसीपुरका २४ वर्षीय सन्तोष भुसाल र ६० वर्षीय मानबहादुर वलीको मृत्यु भएको जिल्ला प्रहरी कार्यालय बाँकेका प्रवक्ता नारायण डाँगीले जानकारी दिए। भुसाल बसका सहचालक हुन्।
डाँगीका अनुसार दुर्घटनामा २१ जना घाइते भएका छन्। उनीहरूमध्ये भेरी अस्पतालमा ५ जनाको कोहलपुर मेडिकल कलेजमा थप घाइतेको उपचार भइरहेको छ। एक जना डिस्चार्ज भइसकेका छन्।
दाङबाट नेपालगन्ज तर्फ जाँदै गरेको भे १ ख २१२८ नम्बरको बस कोहलपुर–नेपालगञ्ज सडक खण्ड अन्तर्गत जानकी गाउँपालिका–६कोठारपुरमा अनियन्त्रित भई बिहीबार बिहान सवा ११ बजे दुर्घटना भएको थियो।
डाँगीका अनुसार तीब्र गतिको बसको पट्टा भाँचिएपछि अनियन्त्रित भइ बस सडक खण्डमै पल्टिएको थियो।
चालक प्रहरीको नियन्त्रणमा छन्।
प्रकाशित मिति: बिहीबार, भदौ १३, २०८१ १५:५४
थप समाचार
