नाबालिकाहरूलाई वेश्यावृत्तिमा लगाउने गेस्टहाउस सञ्चालक पक्राउ
काठमाडौं— नाबालिकालाई वेश्यावृत्तिमा लगाएको अभियोगमा २ जना गेस्टहाउस सञ्चालकलाई प्रहरीले पक्राउ गरेको छ।
पक्राउ पर्नेहरूमा काठमाडौं महानगरपालिका-३२ कोटेश्वरस्थित कमलामाई खाजाघर एण्ड गेस्ट हाउसका सञ्चालक रामेछाप घर भएका २८ वर्षीय गोरे नेवा खड्गी र सिन्धुली कमला माई नगरपालिका-४ घर भएका ४२ वर्षीय राजु साही रहेका छन्।
खड्गी समेतले सञ्चालन गरेको उक्त गेस्टहाउसमा बालिकाहरूलाई वेश्यावृत्तिमा लगाउने गरेको भन्ने सूचनाको आधारमा मानव बेचबिखन अनुसन्धान ब्युरो बबरमहलबाट खटिएको प्रहरीले उनीहरूलाई पक्राउ गरेको हो। साथै प्रहरीले गेस्टहाउसबाट ५ जना बालिकाहरूलाई उद्दार समेत गरेको छ।
उनीहरू उपर मानव बेचबिखन तथा ओसारपसार मुद्दामा जिल्ला अदालत काठमाडौंबाट ७ दिन म्याद थप अनुमति लिई आवश्यक अनुसन्धान भइरहेको छ।
प्रकाशित मिति: बिहीबार, भदौ १३, २०८१ १४:५२
थप समाचार
