काठमाडौं— प्रमुख प्रतिपक्षी दलका नेता पुष्पकमल दाहाल प्रचण्डले सरकार अहङ्कारपूर्ण, तर गलत बाटोतिर अग्रसर भएको टिप्पणी गरेका छन्।

प्रतिनिधिसभाको मङ्गलबार बसेको बैठकमा विशेष समय लिएर बोलेका प्रचण्डले ४० दिनमा सरकारको नियत र गन्तव्यको अवलोकनपछि आफू यो निष्कर्षमा पुगेको सुनाएका हुन्।

‘सरकार अहङ्कारपूर्ण तर गलत बाटोतिर अग्रसर छ। सङ्ख्याको उन्माद र शक्तिको दुरुपयोगतिर अग्रसर छ,’ उनले भने, ‘जनता भन्दा स्वार्थ समूह अझ माफियाहरूको सेवामा छ।’