काठमाडौं—  अस्ट्रेलियामा ‘राइट टु डिस्कनेक्ट’ को नयाँ नियम लागू भएको छ। जसमा अफिस समयपछि घरमा पुगिसकेपछि कम्पनीको कल र म्यासेजको जवाफ दिन बाध्य महसुस गर्नेहरूलाई राहत दिइएको छ।

नयाँ कानुनले कर्मचारीहरूलाई कार्यालय समयपछि फोन र म्यासेजको जवाफ बेवास्ता गर्ने स्वतन्त्रता दिएको छ।

गत वर्ष प्रकाशित एक सर्वेक्षणमा अस्ट्रेलियनहरूले कुनै पनि भुक्तानी बिना वर्षमा औसत २८० घण्टा ओभरटाइम काम गर्ने गरेको रिपोर्ट गरिएको थियो।

यो नियम विशेष गरी युरोप र ल्याटिन अमेरिकासहितका २० भन्दा बढी देशहरूमा लागू हुन्छ। यो कानुनले रोजगारदाताहरूलाई ड्युटी घण्टा पछि कर्मचारीहरूलाई सम्पर्क गर्नबाट रोक्दैन।

यसको सट्टा, यसले कर्मचारीहरूलाई तिनीहरूको अस्वीकारलाई अव्यावहारिक मानिने नभएसम्म प्रतिक्रिया नगर्ने अधिकार दिन्छ।  यो ऐनअनुसार रोजगारदाता र कर्मचारीले आपसमा विवाद समाधान गर्ने प्रयास गर्नुपर्छ।

यदि दुवैले विवाद समाधान गर्न असफल भएमा, अस्ट्रेलियन फेयर वर्क कमिसनले हस्तक्षेप गर्न सक्ने बताइएको छ। कमिसनले रोजगारदातालाई ड्युटी समय पछि सम्पर्क गर्न बन्द गर्न आदेश दिन सक्ने व्यवस्था गरिएको छ।

कमिसनको आदेश पालना नगरेमा एक कर्मचारीलाई १९ हजार अस्ट्रेलियन डलर र कम्पनीलाई ९४ हजार अस्ट्रेलियन डलर जरिवाना गर्न सकिने प्रावधान गरिएको छ। कर्मचारीको प्रतिनिधित्व गर्ने सङ्घसंस्थाले यो कानुनको स्वागत गरेका छन्। 

उनीहरूले भनेका छन्– यसले कर्मचारीहरूलाई ड्युटी घण्टा पछि अनुपयुक्त सम्पर्कलाई अस्वीकार गर्न र राम्रो कामको जीवन सन्तुलन प्राप्त गर्न सक्षम र सशक्त बनाउनेछ।

यसले कर्मचारी र रोजगारदाताका लागि फाइदाजनक हुने बताइएको भएपनि कर्मचारीहरूले भने नयाँ कानुनलाई मिश्रित प्रतिक्रिया दिएका छन्।