काठमाडौं— अमेरिकाका पूर्वराष्ट्रपति डोनाल्ड ट्रम्पको हत्या गर्न षड्यन्त्र रचेको आरोपमा इरानसँग सम्बन्ध रहेका एक पाकिस्तानी नागरिकलाई पक्राउ गरिएको छ।

बीबीसीका अनुसार ट्रम्प र केही राजनीतिज्ञको हत्याको षड्यन्त्र गरेको आरोपमा ४६ वर्षीय आसिफ मर्चेन्टलाई पक्राउ गरिएको हो।

एफबीआईका निर्देशक क्रिस्टोफर रेले हत्याको षड्यन्त्र इरानसँग जोडेका छन्।

आसिफ मर्चेन्टलाई पक्राउ गरी हाल न्युयोर्कमा राखिएको छ।