कर्णालीका मुख्यमन्त्री कँडेलले आज विश्वासको मत लिँदै
सुर्खेत— कर्णाली प्रदेशका मुख्यमन्त्री यामलाल कँडेलले आज विश्वासको मत लिँदैछन्।
विश्वासको मत लिन कँडेलले शनिबार प्रदेश सभा सचिवालयमा पत्र दर्ता गराएका थिए।
सोही अनुरूप मुख्यमन्त्रीले विश्वासको मत लिने प्रयोजनका लागि सोमबार दिउँसो ३ बजे बैठक बोलाइएको कर्णाल प्रदेशसभा सचिवालयका सूचना अधिकारी उपेन्द्रकुमार गुरुङले जानकारी दिए।
साउन ७ गते नेकपा माओवादी केन्द्रले समर्थन फिर्ता लिएपछि मुख्यमन्त्री कँडेलले दोस्रोपटक विश्वासको मत लिन लागेका हुन्।
४० सदस्यीय प्रदेशसभाबाट विश्वासको मत पाउन २१ सांसदको समर्थन चाहिन्छ।
प्रकाशित मिति: सोमबार, साउन २१, २०८१ ०९:३८
