प्रधानमन्त्रीलाई विश्वासको मत नदिन रास्वपाको ह्वीप
काठमाडौं— राष्ट्रिय स्वतन्त्र पार्टीले प्रधानमन्त्री केपी शर्मा ओलीले आइतबार प्रतिनिधिसभामा राख्ने विश्वासको मतसम्बन्धी प्रस्तावको विपक्षमा मतदान गर्न आफ्ना सांसदहरूलाई निर्देशन दिएको छ।
संसदीय दलका प्रमुख सचेतक सन्तोष परियारले विपक्षमा मतदान गर्न ह्वीप जारी गरेका हुन्।
प्रधानमन्त्री ओलीले आइतबार विश्वासको मत लिँदैछन्। नेकपा माओवादी केन्द्र, राष्ट्रिय स्वतन्त्र पार्टी र एकीकृत समाजवादीले विपक्षमा मतदान गर्न ह्वीप जारी गरिसकेका छन्।
प्रकाशित मिति: आइतबार, साउन ६, २०८१ १२:५६
