टीकापुर अस्पतालले थाल्यो ‘डाइलासिस’ सेवा
![टीकापुर अस्पतालले थाल्यो ‘डाइलासिस’ सेवा](https://newsgriha.com/uploads/posts/TIKAPUR_HOSPITAL-1721270954.jpg)
कैलाली— लामो प्रतीक्षापछि टीकापुर अस्पतालमा ‘हेमोडाइलासिस’ सेवा सुरु भएको छ।
अस्पतालमा गएको असार ३१ गतेदेखि सेवा सुरु भएको हो। सेवा सञ्चालनका लागि अस्पतालले रु ४० लाख खर्च भएको अस्पतालका चिकित्सक डा सन्देश पण्डितले बताए। एक विशेषज्ञ चिकित्सक, चार नर्सिङ स्टाफ र दुईजना सहयोगीलाई सेवा सञ्चालनका लागि तालिम दिइएको छ।
'फूल फेजमा चलेपछि दैनिक चारजनालाई सहज रूपमा सेवा दिन सकिन्छ,' पण्डितले भने, 'फुलफेजमा सञ्चालन हुन केही समय लाग्छ।'
अस्पतालमा डाइलासिस सेवा सुरु भएपछि यस क्षेत्रका बिरामीले राहत पाएका छन्।
यहाँका बिरामी धनगढी र नेपालगञ्ज जानुपर्ने बाध्यता टरेको छ। कतिपय नेपालगञ्ज र धनगढी जानुपर्ने अवस्था भएकै कारण काठमाडौँ बसेर डाइलासिस गराउने गरेका छन्।
प्रकाशित मिति: बिहीबार, साउन ३, २०८१ ११:४५