काठमाडौं— प्रधानमन्त्री केपी शर्मा ओलीले आफूलाई प्रत्यक्ष भेटेर बधाइ दिन नआउन शुभेच्छुकहरुलाई आग्रह गरेका छन्।

ओलीले सामाजिक सञ्जालमा बुधबार बिहान भनेका छन्, ‘शुभ प्रभात, विभिन्न माध्यमबाट शुभकामना र बधाइका सन्देश आइरहेका छन्। प्रत्यक्ष भेटेर भन्दा डिजिटल माध्यमबाट शुभकामना, बधाई दिँदा साथीहरूको समयको पनि बचत हुन्छ। शुभेच्छुक सबैलाई सकेसम्म  म्यासेन्जरबाट सन्देश पठाउन र भेटमा पनि खादा र माला प्रयोग नगर्न अनुरोध गर्छु।’

गत सोमबार ४५औँ प्रधानमन्त्री बनेका ओलीलाई शुभेच्छुकहरू बधाइ दिन बालुवाटार पुगेका छन्। मङ्गलबार दिनभर पनि उनी बधाई थाप्नै व्यस्त रहे।