आगामी रणनीति तय गर्न समाजवादी मोर्चाको बैठक बस्दै
काठमाडौं— समाजवादी मोर्चाको बैठक मङ्गलबार बस्ने भएको छ। अपरान्ह ४ बजे नेकपा एकीकृत समाजवादीको केन्द्रीय कार्यालय आलोकनगरमा बैठक बस्न लागेको हो।
बैठकमा पछिल्ला राजनीतिक घटनाक्रमका बारेमा छलफल हुनेछ। समाजवादी मोर्चाको आगामी रणनीति र योजना तय गरिने पनि नेताहरूले बताएका छन्।
समाजवादी मोर्चामा अहिले नेकपा माओवादी केन्द्र, नेकपा एकीकृत समाजवादी, नेत्रविक्रम चन्द नेतृत्वको नेपाल कम्युनिष्ट पार्टी र महिन्द्र राय यादव नेतृत्वको नेपाल समाजवादी पार्टी छन्।
यसअघि, समावेश जनता समाजवादी पार्टी, नेपाल फुटपछि समाजवादी मोर्चामा छैन। जसपा नेपालले समाजवादी मोर्चाको औचित्य नरहेको बताइसकेको छ।
प्रकाशित मिति: मंगलबार, साउन १, २०८१ ०९:१२
