काठमाडौं— नेपाली बजारमा सोमबार सुनको मूल्यले नयाँ रेकर्ड बनाएको छ। 

यसअघि शुक्रबार बनाएको कीर्तिमानी तोड्दै आज सुनको मूल्यले नयाँ रेकर्ड बनाएको हो। 

नेपाल सुनचाँदी व्यवसायी महासंघका अनुसार आज सुनको मूल्य तोलामा १ लाख ४६ हजार ९ सय कायम भएको छ। त्यसो त यसअघि शुक्रबार नेपाली बजारमा छापावाला सुनको मूल्य १ लाख ४६ हजार ७ सय रहेको थियो। आइतबार स्थिर रहँदा शुक्रबारको तुलनामा तोलामा २ सयले वृद्धि भएको महासंघले जनाएको छ। 

त्यस्तै आज तेजावी सुनको मूल्य तोलामा १ लाख ४६ हजार २ सय रहेको छ। 

महासंघका अनुसार आज चाँदीको मूल्य तोलामा १० रुपैयाँले वृद्धि भएको छ। आइतबार चाँदीको मूल्य १ हजार ८ सय ७५ रहेकोमा आज मूल्य वृद्धिद्ध भइ १ हजार ८ सय ८५ कायम भइ कारोबार भइरहेको छ।