काठमाडौं— अमेरिकाका पूर्व राष्ट्रपति डोनाल्ड ट्रम्पमाथि गोली प्रहार गर्ने युवकको पहिचान खुलेको छ। 

संयुक्त राज्य अमेरिकाको संघीय जाँच ब्युरो (एफबीआई)ले ट्रम्पमाथि गोली चलाउने २० वर्षीय थोमस म्याथ्यु क्रुक रहेको जनाएको छ। 

चुनावी अभियानमा भाषण गरिरहेको अवस्थामा शनिबार राति पेन्सिलभेनियाको बट्लरमा ट्रम्पमाथि गोली प्रहार भएको थियो। 

एफबीआईका अनुसार गोली प्रहार गर्ने ती युवक पेन्सिलभेनियाको बेथेल पार्कका बासिन्दा हुन्। 

एफबीआईले ट्रम्पमाथि ज्यान मार्ने उदेश्यले नै ती युवकले गोली चलाएको दाबी गरेको छ। 

ट्रम्पले चुनावी सभालाई सम्बोधन गरिरहेको स्थलबाट ४ सय फिट उत्तरतर्फ रहेको सानो भवनको छतबाट क्रुकले गोली चलाएको अनुसन्धानबाट खुल्न आएको छ। 

त्यस्तै गोली चलाउने क्रुक भने प्रहरीको जवाफी कारबाहीमा मारिएका छन्।