काठमाडौं— चीनमा ट्राउजरमा लुकाएर एक सय भन्दा बढी जिउँदो सर्प तस्करी गर्न लागेको पाइएको छ।

चीनको भन्सार प्रशासनले विज्ञप्ति जारी गर्दै एक सय चार वटा सर्प तस्करी गर्ने एक व्यक्तिलाई पक्राउ गरिएको जनाएको छ। 

चीनको भन्सार कार्यालयले मङ्गलबार जारी गरेको विज्ञप्तिमा भनेको छ, ‘अर्धस्वायत्त हङकङबाट सीमावर्ती शहर शेन्जेनतर्फ जान खोज्दा भन्सार अधिकारीहरूले ती व्यक्तिलाई रोकेका थिए। निरीक्षणका क्रममा भन्सार अधिकारीले यात्रुले लगाएको ट्राउजरको खल्तीमा छ वटा क्यानभास ड्रस्ट्रिङ ब्याग प्याक गरिएको र टेपले सिल गरिएको भेटिएको छ।’

त्यस्तै प्रत्येक झोलामा सबै प्रकारका आकार र रङका जीवित सर्प भेटिएका थिए। 

भन्सार अधिकारीले १०४ खस्रो सरीसृपहरू जफत गरेका छन्। जफत गरिएका सर्वमध्ये दूध सर्प, मकै सर्प र अन्य विदेशी प्रजातिहरू थिए।

चीनमा पछिल्लो समय अवैध व्यापारमा कडाई गरेका छन् ।

देशको जैविक सुरक्षा र रोग नियन्त्रण कानुनले मानिसहरूलाई अनुमति बिना गैर–देशी प्रजातिका जनावर ल्याउन निषेध गरेको छ।