राष्ट्रिय सभाबाट बजेट सर्वसम्मतिले पारित
![राष्ट्रिय सभाबाट बजेट सर्वसम्मतिले पारित](https://newsgriha.com/uploads/posts/rastriya-sava-1-1720169961.jpg)
काठमाडौं— राष्ट्रिय सभाबाट आगामी आर्थिक वर्षको बजेट सर्वसम्मतिले पारित भएको छ ।
अर्थमन्त्री वर्षमान पुनले जेठ १५ गते आगामी आर्थिक वर्षका लागि सङ्घीय संसद्को संयुक्त बैठकमा १८ खर्ब ६० अर्ब ३० करोड बराबरको बजेट प्रस्तुत गरेका थिए ।
जसलाई प्रतिनिधि सभाले असार ११ गते पारित गरेको थियो । शुक्रबार राष्ट्रिय सभाले पनि पारित गरेको हो ।
सभाध्यक्ष नारायणप्रसाद दाहालले प्रतिनिधि सभाबाट पारित भएर गएको विनियोजन विधेयक निर्णयार्थ प्रस्तुत गर्दा कसैले पनि हुन्न भनेनन् । प्रतिपक्षी बेन्चमा रहेका कांग्रेससहितका सांसद मौन रहेपछि बजेट सर्वसम्मत पारित भएको हो ।
नयाँ सरकार गठनका लागि कांग्रेस र एमालेले सत्ता सहकार्यको सहमति गरिसकेका छन् । यो बजेट ल्याउँदा एमाले सरकारमै थियो । त्यसैले पनि बजेट निर्णयार्थ पेस हुँदा कसैले पनि हुन्न भनेनन् ।
प्रकाशित मिति: शुक्रबार, असार २१, २०८१ १४:४४