काठमाडौं— भारतको उत्तरप्रदेशस्थित हातरसको रतिभानपुरमा रहेको एक सत्संग श्रद्धालुहरुको भागदौड मच्चिँदा २७ जनाको मृत्यु भएको छ। 

उक्त भागदौडामा २३ महिला र तीन बच्चा र एक पुरुष गरी २७ जनाको मृत्यु भएको भारतीय सञ्चारमाध्यम आजतकले जनाएको छ। 

उक्त भागदौडमा महिला र धेरै बालबालिका घाइते भएको आशंका गरिएको छ। 

मुख्यमन्त्री कार्यालयले जिल्ला प्रशासन कार्यालयलाई घाइतेहरुको तत्काल उद्दार गरी अस्पताल पुर्याउन निर्देशन दिएको छ।  

केही दिनदेखि त्यहाँ महोत्वस चलिरहेको थियो। मंगलबार एकाएक भागदौड मच्चिँदा मानिसहरुको ज्यान जान गएको हो। 

यस घटनाको कारण पत्ता लगाउन एडीजी आगरा र अलिगढ आयुक्तको टोली गठन गरिएको छ।