काठमाडौं— इजरायली सेनाले बिहीबार उत्तरी गाजापट्टीको बेइट हानौन शहरमा भएको हवाइ हमलामा हमासका कमान्डर मारिएको दाबी गरेको छ। 

इजरायली सेनाका प्रवक्ता अविचाय अद्राईले बेइट हानौन क्षेत्रमा स्नाइपर अपरेसनको नेतृत्व गर्ने र इजरायली सेनाहरू विरुद्ध आतङ्कवादी कार्यमा भूमिका खेल्ने अहमद अल-सवारकालाई सैन्य विमानले मारेको बताए। इजरायल डिफेन्स फोर्स (आईडीएफ) ले बिहीबार मध्य गाजापट्टी र दक्षिणी रफाह क्षेत्रमा अपरेशन गर्न जारी राखेका छन्। 

गाजाका स्वास्थ्य अधिकारीले बिहीबारसम्म इजरायली सैन्य कारबाहीबाट प्यालेस्टिनीको मृत्यु हुनेको सङ्ख्या ३७ हजार ४३१ पुगेको छ र ८५ हजार ६५३ घाइते भएको बताएका छन्।