बारा— बाराको रामराजा बहुमुखी क्याम्पस प्रमुख हरि भूषण कुशवाहाको हत्या प्रकरणमा संलग्न दोषीलाई कारबाहीको माग गर्दै प्रदर्शन गरिएको छ।

जिल्ला प्रहरी र प्रशासन कार्यालयको गेट अगाडि मृतक कुशवाहाको शव राखेर प्रदर्शन गरिएको हो।  

शैक्षिक संघ संगठन एवम् समर्थकहरूले दोषीलाई कारबाहीको माग गर्दै शनिबार दिउँसो २ बजेदेखि प्रदर्शन गरेका हुन्।

अज्ञात समूहले प्रहार गरेको गोलीबाट क्याम्पस प्रमुख कुशवाहाको उपचारको क्रममा शुक्रबार साँझ वीरगञ्जमा मृत्यु भएको थियो।

कलैयातर्फ फर्किने क्रममा आदर्श कोतवाल गाउँपालिका वडा नम्बर ३ बतरामा उनीमाथि शुक्रबार गोली प्रहार भएको थियो।

कुशवाहा हत्या प्रकरणमा संलग्न रहेको आशङ्का प्रहरीले अहिलेसम्म ५ जना पक्राउ गरेको छ।

बारा प्रहरी प्रमुख महेन्द्र खड्काले परेकाहरूसँग सोधपुछ चलिरहेको जानकारी दिए।