काठमाडौं— हिजबुल्लाहले उत्तरी इजरायलमा रकेट प्रहार गरेपछि धेरै ठाउँमा आगो लागेको छ। हिजबुल्लाहले उत्तरी इजरायलमा लेबनानबाट दर्जनौं रकेट प्रहार गरेको जनाएको छ।

हिजबुल्लाहले इजरायली हवाई आक्रमणमा आफ्ना एक वरिष्ठ कमान्डरको मृत्युको प्रतिक्रिया स्वरूप यो हमला गरेको जनाएको छ। इजरायली हवाई आक्रमणमा हिजबुल्लाह कमान्डर तालेब अब्दुल्लाहसहित चार जनाको मृत्यु भएको थियो।

इजरायल र हिजबुल्लाहबीचको ८ महिना लामो भिडन्तमा मारिएका अब्दुल्लाह हिजबुल्लाहका सबैभन्दा वरिष्ठ कमान्डर हुन्। हिजबुल्लाहका अनुसार यी रकेटहरू इजरायली सैन्य अड्डाहरू र सैन्य कारखानाहरूलाई लक्षित गरी प्रहार गरिएको छ। 

उही समयमा इजरायली सेनाले लेबनानी पक्षबाट करिब ९० रकेट प्रहार गरिएको जनाएको छ। इजरायलले अधिकांश रकेट हावामा खसालेको दाबी गरेको छ। 

इजरायलका अनुसार विभिन्न ठाउँमा धेरै रकेट खसेकाले धेरै ठाउँमा आगो लागेको छ। गाजामा इजरायल र हमासबीच युद्ध चलिरहेको बेला बेला बेलामा हिजबुल्लाहले युद्ध सुरु भएदेखि नै लेबनानबाट इजरायलको उत्तरी सीमामा आक्रमण गर्दै आएको छ।

Tens of rockets launched from Lebanon since this morning, with sirens sounding as deep as southern Tiberias and east of Haifa. Impacts reported in several areas, a factory was hit in Sasa and fire broke out as a result of a missile falling south of Safed. pic.twitter.com/OiN3s5yU33

— Ali Hashem علي هاشم (@alihashem_tv) June 12, 2024