देवघाटको मतपत्र पुगेपछि तनहुँ–१ को मतगणना सुरु गरिने
तनहुँ– तनहुँ क्षेत्र नम्बर १ को मतगणना आज आइतबारबाट सुरु गरिने भएको छ । चुनाव सकिएलगत्तै मतपत्र सदरमुकाम ल्याउने प्रक्रिया सुरु गरिएको निर्वाचन कार्यालय तनहुँका प्रमुख हरि ढकालले बताए ।
तनहुँ–१ को देवघाट गाउँपालिकाको मतपत्र ल्याउन केही समय लाग्ने उनले बताए । त्यहाँबाट मतपत्र आउनासाथ सर्वदलीय बैठक बसी गणनाको काम थालिने जानकारी उनकाे भनाइ छ ।
मतगणना तनहुँको जिल्ला समन्वय समितिको हलमा हुनेछ । यस क्षेत्रमा ६३ हजार ७५७ मत खसेको छ । यो कुल मतदाताको ५१ प्रतिशत हो ।
प्रकाशित मिति: आइतबार, वैशाख १०, २०८० २०:५८
