उपनिर्वाचन सम्पन्न भएकोमा देउवाले दिए धन्यवाद
काठमाडौं— चितवन–२, तनहुँ–१ र बारा–२ मा प्रतिनिधि सभा सदस्यको निर्वाचन सम्पन्न भएकोमा नेपाली कांग्रेसका सभापति शेरबहादुर देउवाले धन्यवाद दिएका छन् ।
आइतबार वक्तव्य जारी गर्दै देउवाले उपनिर्वाचन शान्तिपूर्ण, भयरहित वातावरणमा निष्पक्ष, धाँधलीरहित र उत्साहपूर्ण रूपमा सम्पन्न गरेकोमा सबैलाई धन्यवाद दिएका हुन् ।
मतदानमा भएको उत्साहपूर्ण सहभागिताले नेपाली नागरिकका मनमा रहेको लोकतन्त्रप्रतिको अगाध र अविचलित आस्था अभिव्यक्त भएको देउवाले वक्तव्यमा उल्लेख गरेका छन् ।
प्रकाशित मिति: आइतबार, वैशाख १०, २०८० १९:०५
