मनाङ घुम्न गएका ललितपुरका युवक चार दिनदेखि सम्पर्कविहीन, ड्रोन प्रयोग गरी खोजिदै
मनाङ— मनाङ घुम्न आएका एक पर्यटक चार दिनदेखि सम्पर्कविहीन छन्।
ललितपुरको नखिपोटका ३१ वर्षीय प्रकाश गोरखाली जेठ १६ गते दिउँसोदेखि सम्पर्कविहीन भएका हुन्।
तिलिचो ताल जाने क्रममा गोरखाली मनाङ ङिस्याङ गाउँपालिका–९ बाइस घुम्तीबाट सम्पर्कविहीन भएको जानकारी प्राप्त भएको प्रमुख जिल्ला अधिकारी सुवासकुमार लामिछानेले जानकारी दिए।
सँगै रहेका अन्य तीनजनाले उनी सम्पर्कविहीन भएपछि खोजीका लागि प्रहरीलाई खबर गरेका थिए। स्थानीय, नेपाल प्रहरी, सशस्त्र प्रहरीको टोलीले अहिले गोरखालीको खोजी गरिरहेको छ।
प्रजिअ लामिछानेले भने, 'ड्रोनको प्रयोग गरी खोजी गर्ने तयारी भइरहेको छ।'
प्रकाशित मिति: शनिबार, जेठ १९, २०८१ ०८:०४
थप समाचार
