काठमाडौं— अमेरिकी अभिनेता जोनी वाक्टरको लसएन्जलसमा गोली हानी हत्या भएको छ। अभिनेता वाक्टरको कार चोर्ने प्रयासमा रहेका एक व्यक्तिले उनको हत्या गरेका हुन्।

वाक्टरको कार पार्क गरिरहेको स्थानमा रहेको क्यालिटीक कन्भर्टर हटाउन प्रयासरत रहेका तीन व्यक्तिले ३७ वर्षे अभिनेतालाई आक्रमण गरेका थिए। आक्रमणबाट जोनी गम्भीर घाइते भएका थिए। क्यालिटीक कन्भर्टर महँगो मूल्यमा बिक्री हुने फलामको साधन हो।

अमेरिकी सप ओपेरा ‘जेनरल हस्पिटल’बाट लोकप्रियता कमाएका अभिनेताको शनिबार बिहान मृत्यु भएको थियो।

यो घटना लसएनजल्सस्थित वेस्क पिको बुलेभार्ड र साउथ होप स्ट्रिटको कुनामा भएको थियो। अभियुक्त पक्राउ परेका छैनन्।

वाक्टरले ‘जनरल हस्पिटल’मा दुई वर्ष काम गरेका थिए। उनले २०१३ एनबीसी सिरिज ‘साइबेरिया’ र एचबीओको ‘वेस्टवर्ल्ड’मा दुई एपिसोडमा पनि काम गरेका थिए ।