काठमाडौं— अख्तियार दुरुपयोग अनुसन्धान आयोगको टोलीले वडाध्यक्षको मिलेमतोमा सेवाग्राहीसँग घुस माग्ने बिचौलियालाई पक्राउ गरेको छ। 

पक्राउ पर्नेमा काठमाडौंको चन्द्रागिरी नगरपालिका वडा नं २ बस्ने ध्रुवबहादुर कडायत रहेका छन्। 

कडायतले व्यवसाय स्थानान्तरणका लागि सिफारिस र दर्ता गरिदिने प्रयोजनका लागि सोही वडाका वडाध्यक्ष भाईकृष्ण तामाङको निर्देशन बमोजिम सेवाग्राहीसँग घुस मागेका थिए। 

सोही प्रकरणमा परेको उजुरीका आधारमा खटिएको अख्तियारको टोलीले कडायतले सेवाग्राहीसँग लिएको  २ लाख नगद र उनको नाममा काटिएको २ लाखको चेक गरी ४ लाखसहित बलम्बुबाट पक्राउ गरिएको हो। 

उनीमाथि थप अनुसन्धान भइरहेको छ।